د امارتي شرکتونو بیا راژوندي کول:
د هغو فابریکو او شرکتونو بیا فعالول چې په تیرو جګړو کې زیانمن شوي یا بند پاتې شوي دي، لکه د بغلان بورې فابریکه، د کندهار نساجي او د بلخاب د ډبرو سکرو کان .
د ملي زیرمو څخه ګټه اخیستنه:
د کانونو، برېښنا، اوبو او ګازو په څېر ملي سرچینې په سیستماتیک ډول استخراج او خلکو ته وېشل .
د اقتصادي زیربناوو پراختیا:
د لویو ملي پروژو تطبیق، لکه د قوش تېپې کانال، د برېښنا لیږد مزو، او د نوري فایبر شبکې بشپړول .
د کار فرصتونو رامنځته کول او د بې وزلۍ کمول:
د بېکاره فابریکو په بیا فعالولو او نویو پروژو په پیل کولو سره د خلکو لپاره د کار زمینه برابرول.
د امارتي شرکتونو د لوی ریاست لید د افغانستان د اقتصادي ځان بساینې او پرمختګ ترلاسه کول دي. دوی هڅه کوي چې هېواد د یو قوي اقتصادي ځواک په توګه رامنځته کړي، چېرته چې دولتي شرکتونه د ملي تولید، صنعت او خدماتو په برخه کې مخکښ رول ولوبوي، او په تدریج سره واردات کم او صادرات زیات کړي.
اقتصادي مقاومت:
د هېواد د طبیعي سرچینو او کورنیو تولیداتو په پیاوړتیا سره بهرنیو فشارونو ته د دوام ورکولو وړتیا .
ځان بسیاینې:
د هغو محصولاتو کورني تولید ته لومړیتوب ورکول چې مخکې بهر څخه واردېدل، لکه سمنټو، برېښنا، کرنیز محصولات او نساجي .
خلکو ته خدمت:
د ارزانه او منظم ترانسپورټ ، څښاک پاکو اوبو ، او باکیفیته توکو چمتو کول.
د شفافیت او نظم:
د خپلو ټولو فعالیتونو، لکه د محصولاتو وېش ، د صادراتو ، او قراردادونو د پلي کولو راپورونه له خلکو سره شریکول.
