آریانا افغان هوايي شرکت سږ کال په ۱۰ غوره هوايي شرکتونو کې اووم مقام خپل کړ
آریانا افغان هوايي شرکت سږ کال په ۱۰ غوره هوايي شرکتونو کې اووم مقام خپل کړ
د امارتي شرکتونو عمومي ریاست د آریانا افغان هوايي شرکت په تېر ۲۰۲۵ کال کې د منځنۍ آسيا د ۴۵ هوايي شرکتونو په منځ کې د ۱۰ غوره هوايي شرکتونو په نوملړ کې اتم مقام درلود چې اوس یې اووم مقام خپل کړی دی.
د آريانا شرکت د مسؤولینو او پرلپسې هڅو، د غوره چوپړتیاوو وړاندې کولو او د فعالیتونو د پراختیا په پایله کې، د ۲۰۲۶ کال د منځنۍ آسيا د ۴۵ هوايي شرکتونو له جملې په ۱۰ غوره هوايي شرکتونو کې اووم مقام ترلاسه کړی دی، چې دا پرمختګ د افغانستان د ملکي هوايي چلند او د هېواد د ملي هوايي شرکت لپاره لویه لاسته راوړنه بلل کېږي.
د یادونې وړ ده، چې د نړۍ د هوايي چلند او هوايي شرکتونو د کیفیت او خدماتو د ارزونې او درجه بندۍ په برخه کې مشهوره نړیواله اداره Skytrax هر کال د هوايي شرکتونو فعالیتونه او خدمات ارزوي او د خپلو ځانګړو معیارونو پر بنسټ یې درجه بندي کوي.
